Category : мэдээлэл

ЭхлэлТөрлийн архив "мэдээлэл"

2020 ОНЫ ХАМТЫН ГЭРЭЭ

2020 оны 3-р сарын 16-ны өдөр ДДЦС ТӨХК-ийн захиргаа болон компанийн дэргэдэх Үйлдвэрчний эвлэлийн хорооны хооронд 2020 оны хамтын гэрээ амжилттай байгууллаа.

8-march-women-day-celebrations-wallpaper-800x600-53117923d560b

Олон улсын эмэгтэйчүүдийн эрхийг хамгаалах өдрийн баярын мэндийг хүргэе.

“Дарханы Дулааны Цахилгаан Станц” ТӨХК-н бүх бүсгүйчүүддээ Олон улсын эмэгтэйчүүдийн эрхийг хамгаалах өдрийн баярын мэнд хүргэж, аз жаргал сайн сайхан бүхнийг хүсэн ерөөе.

[embed]https://youtu.be/lfuzzD1A4yU[/embed]

17 ДУГААР ЖАРНЫ “УРВУУЛАГЧ” ХЭМЭЭХ ШОРООН ГАХАЙ ЖИЛИЙН СУМЫН ХӨДӨЛМӨРИЙН АВАРГААР ТОДОРЛОО

Дархан сумын ЗДТГ-аас жил бүр сар шинийн баярын өмнөхөн улс, орон нутгийнхаа бүтээн байгуулалт, хөгжил цэцэглэлтэд үнэтэй хувь нэмэр оруулж ажил, үйлсээрээ бусдыгаа манлайлсан шилдэг тэргүүний хамт олон, иргэнийг шалгаруулан “Дархан сумын хөдөлмөрийн аварга”-аар өргөмжилдөг уламжлалтай.

2019 оны ТҮЛШ ЭРЧИМ ХҮЧНИЙ САЛБАРЫН “ХӨДӨЛМӨРИЙН АВАРГА”-аар Дарханы дулааны цахилгааны станц ТӨХК-ийн зуухан цехийн засварчин О.Баярсайхан шалгарч, шагналыг өнөөдөр 2020.02.20-ны өдөр Дархан сумын ИТХ-ын дарга Ж.Балжинням, Дархан сумын Засаг дарга Б.Азжаргал нар гардуулан өглөө.

Мөн О.Баярсайханд компанийн гүйцэтгэх захирал М.Жаргалсайхан халуун баяр хүргэж, хамтын гэрээний дагуу мөнгөн шагналаар шагнаж урамшууллаа.

“Дархан сумын хөдөлмөрийн аварга” О.Баярсайхандаа цаашдынх нь ажил үйлсэд улам их амжилтыг хүсэн ерөөе.

2019 ОНЫ АЙМГИЙН ХӨДӨЛМӨРИЙН АВАРГААР ТОДОРЛОО.

Жил бүр сар шинийн баяраар өнгөрсөн ондоо идэвх санаачилга, хөдөлмөр бүтээлээрээ манлайлан ажиллаж шалгарсан сум, баг, байгууллага, хамт олон, алба хаагч, иргэдийг Засаг даргын захирамжаар баталгаажуулан шагнаж алдаршуулдаг уламжлалтай.

2019 ОНЫ АЙМГИЙН ЭДИЙН ЗАСАГ, БАНК, САНХҮҮГИЙН БАЙГУУЛЛАГЫН “ХӨДӨЛМӨРИЙН АВАРГА АЖИЛТАН”-аар шалгарсан Дарханы дулааны цахилгаан станц ТӨХК-ийн санхүү бүртгэлийн хэлтсийн дарга Цэвээнжавын Ууганбаярт өнөөдөр буюу 2020.02.20-ны өдөр ДУА-ийн ИТХ-ын дарга Г.Эрдэнэбат, ДУА-ийн Засаг дарга С.Насанбат нар баяр хүргэж, шагналыг гардуулж өглөө.

Мөн Ц.Ууганбаярт компанийн гүйцэтгэх захирал М.Жаргалсайхан халуун баяр хүргэж, хамтын гэрээний дагуу мөнгөн шагналаар шагнаж урамшууллаа.

“Дархан-Уул аймгийн хөдөлмөрийн аварга” Ц.Ууганбаяртаа цаашдынх нь ажил хөдөлмөрт улам их амжилтыг хүсэн ерөөе.

ТӨРИЙН ШАГНАЛААР ЭНГЭРЭЭ МЯЛААЛАА

Монголын Үндэсний эрх чөлөө, тусгаар тогтнолоо сэргээн мандуулсны 108 жилийн ойг тохиолдуулан Монгол Улсын Ерөнхийлөгчийн 2019 оны 12 дугаар сарын 25-ны өдрийн 227 дугаар зарлигаар аймгийн Төр, захиргаа, Эрүүл мэнд, боловсрол, соёл урлаг спорт, шинжлэх ухаан, эрчим хүч, уул уурхайн салбарт олон жил идэвх зүтгэл, үр бүтээлтэй ажиллаж, аймаг, орон нутгийнхаа бүтээн байгуулалт, хөгжил цэцэглэлтэд үнэтэй хувь нэмэр оруулсан 72 иргэнийг Монгол Улсын төрийн дээд одон медалиар өнөөдөр /2019.12.30/ шагналаа.

Салбар салбарын сайчууддаа Монгол Улсын Ерөнхийлөгчийн нэрийн өмнөөс шагналыг нь гардуулж, баяр хүргэхээр УИХ-ын гишүүн Б.Баттөмөр, аймгийн аймгийн ИТХ-ын дарга Г.Эрдэнэбат, Засаг дарга С.Насанбат, Засаг даргын үйлдвэрлэл дэд бүтэц, хууль эрх зүйн асуудал хариуцсан орлогч Т.Ганболд, аймгийн ИТХ-ын тэргүүлэгч Г.Эрдэнэсүх, М.Жаргалсайхан, Д.Хүрэлчимэг, Ч.Оюунчулуун, аймгийн ЗДТГ-ын дарга Ч.Энхбат нар хүрэлцэн ирсэн юм.

Уг арга хэмжээний үеэр Хөдөлмөрийн гавьяаны улаан тугийн одонгоор ЗУХ-ийн харуул С.Мөнхбал, Алтан гадас одонгоор өндөр настан П.Лхагвасүрэн, ДХХА-н засварчин С.Баярхүү, ЗУХ-ийн бичиг хэргийн эрхлэгч О.Алтантуяа, харуулын хэсгийн дарга Г.Эрдэнэзоригт, Хөдөлмөрийн хүндэт медалиар турбин цехийн машинч Ё.Баянбилэг, инженерийн албаны дарга Д.Жагварал, өндөр настан Х.Оюунбат, Б.Батсайхан, цахилгаан цехийн засварын инженер Л.Гантулга, зуухан цехийн машинч Т.Ганболд нар тус тус шагнагдаж, энгэрээ мялаалаа.

“ENTREPRENEUR-2019” АВАРГУУД ТОДОРЛОО

2019 оны 12-р сарын 20-ны өдөр Дархан-Уул аймгийн Засаг даргын тамгын газар, МҮХАҮТ-ын Дархан-Уул аймаг дахь салбар танхимтай хамтран улс, аймаг орон нутгийн эдийн засаг, нийгмийн хөгжилд оруулж буй хувь хэмжээ, тухайн жилдээ хийж бүтээсэн бүтээн байгуулалт, хөрөнгө оруулалт, хэрэгжүүлсэн шинэлэг үйл ажиллагаа, хүрсэн амжилтыг үнэлэх, олон нийтийн хүртээл болгон дэлгэрүүлдэг ТОП-5, Шилдэг аж ахуйн нэгж Энтрепренёрүүдэд шагнал гардуулах ёслол хүндэтгэлийн арга хэмжээ болж Дарханы дулааны цахилгаан станц ТӨХК нь 2019 оны Дархан-Уул аймгийн “ТОП-5 АЖ АХУЙН НЭГЖ”-ээр шалгарлаа.

“ДЭВШИЛТЭТ ТЕХНОЛОГИ-ХЭМНЭЛТ-ҮР АШИГ-УХААЛАГ ЭРЧИМ ХҮЧ” сэдэвт илтгэлийн уралдаан зохион байгуулагдав.

ДДЦС ТӨХК  нь шинэ техник, технологи, инноваци, тэргүүн туршлагыг үйлдвэрлэлд нэвтрүүлэх, үйлдвэрлэлийн үр ашгийг дээшлүүлэх, засварын чанарыг сайруулах, сургалт үйлдвэрлэлийн холбоог өргөжүүлэхэд инженер техникийн ажилтан, албан хаагч, ажилтнуудын  идэвх санаачлагыг өрнүүлэх зорилгоор “ДЭВШИЛТЭТ ТЕХНОЛОГИ-ХЭМНЭЛТ-ҮР АШИГ-УХААЛАГ ЭРЧИМ ХҮЧ” сэдэвт илтгэлийн уралдаан зохион байгуулав. Илтгэлийн уралдаанд 13 илтгэл шалгарч 2019 оны 11-р сарын 22-ны өдөр хэлэлцүүлэгдэж дараах илтгэлүүд шалгарлаа:

1-р байр: МУ-ын зөвлөх инженер, Инженерийн албаны тооцооны техник-хяналтын инженер Б.Долгорсүрэн  “ДДЦС ТӨХК-д шинэ градирн суурилуулах”

2-р байр: МУ-ын зөвлөх инженер, ДХХА цехийн дарга В.Даваажав “Эрчим хүчний ухаалаг сүлжээг нэвтрүүлэх хэрэгцээ шаардлага, арга зам”

3-р байр: Цахилгаан цехийн ээлжийн дарга Н.Лхагвадорж “Шинэ дэвшилтэт техникийг хэрхэн оновчтой ашиглах сонгох”

Тусгай байр:

– Турбин цехийн ээлжийн дарга Л.Мянгат, Ц.Отгонцогт, Г.Ууганбаяр нар “ДДЦС ТӨХК-ийн хөргөлтийн усыг боловсруулах” 

– Мэргэшсэн инженер, хангамж үйлчилгээний хэлтсийн барилгын инженер Ц.Баттөмөр “Мод хуванцарын нийлмэл /WPC/ материалыг ус хөргөх цамхагийн ус түгээх, хуваарилах лоткины таг буюу ажлын тавцан хийхэд ашиглах” илтгэл тус тус шалгарав.

Хараа голын эрэг дагуух газруудаар цэвэрлэгээ хийлээ

2019 оны 10–р сарын 18-ны өдөр Хараа голын эргийн дагуух ахуйн хог хаягдлыг цэвэрлэх ажилд алба, хэлтэс, цехийн 63 ажилтан, албан хаагч оролцож Хараа голын  “Станцын тохой” орчмын талбайгаас 2 ачааны машин хогийг ачиж хогийн цэгт буулгав. Цэвэрлэгээний ажлыг байгууллага ачааны 2 автомашин, суудлын УАЗ 469 машин, хүн тээврийн 2 автобусаар бүрэн зохион байгууллаа.

Байгууллагын хашаан дотор хайлаас мод тарьлаа

Монгол Улсын Ерөнхийлөгчийн 2010 оны 63 дугаар зарлигаар жил бүрийн 5, 10-p сарын 2 дахь долоо хоногийн бямба гаригийг “Бүх нийтээр мод тарих үндэсний өдөр” хэмээн зарласан. 2019.10.11-ний өдөр компанийн алба, хэлтэс, цехийн ажилчид компанийнхаа хашаан дотор автомашин болон явган хүний зам дагуу 3745 ширхэг хайлаас модны суулгац суулгаж усалгаа хийлээ.

“ДАРХАНЫ ДУЛААНЫ ЦАХИЛГААН СТАНЦ” ТӨХК-ИЙН 35МВТ-ЫН ӨРГӨТГӨЛИЙГ АШИГЛАЛТАД ХҮЛЭЭЛГЭН ӨГӨВ.

Дархан хотын цахилгаан, дулааны эрчим хүчний өсөн нэмэгдэж буй хэрэглээг найдвартай хангах зорилгоор Монгол Улс, ХБНГУ-ын Засгийн газар хоорондын хэлэлцээр, “Эрчим хүчний үр ашиг-1” хөтөлбөрийн хүрээнд “Дарханы дулааны цахилгаан станц” ТӨХК-д 35МВт-ын шинэ турбингенераторыг суурилуулах турбогенераторын шинэчлэлтийн төслийг амжилттай хэрэгжүүлж дуусаад байна.

Эрчим хүчний салбарын ууган үйлдвэрүүдийн нэг болох Дарханы дулааны цахилгаан станц ТӨХК-ийн суурийг 1963 онд тавьж, 1965 оны 10 дугаар сарын 02-ны өдөр анхны үндсэн тоноглолуудыг ашиглалтад оруулж байжээ. Өнгөрсөн 54 жилийн хугацаанд түүхэндээ гурав дахь удаагийн томоохон шинэчлэл хийж хүлээлгэн өгч байгаа юм. Хүлээлгэн өгөх нээлтийн үйл ажиллагаа 2019.10.05-ны өдөр амжилттай болж өнгөрлөө.