Монгол улсын төрийн шагнал “Хөдөлмөрийн хүндэт медаль”-аар шагнагдсан өндөр настан Ц.Даваажав, “Эрчим хүчний тэргүүний ажилтан”-аар шагнагдсан өндөр настан Б.Цэрэнтогтох, Х.Нарантуяа нарыг ДДЦС ТӨХК-ийн удирдлагууд хүлээн авч, баяр хүргэлээ.
Б.Ганзориг Дархан сумын “ХӨДӨЛМӨРИЙН АВАРГА”-аар тодорлоо.
17 дугаар жарны “Тийн унжлагат” хэмээх Шороон нохой жилийн сар шинийн баярыг тохиолдуулан Дархан сум 2017 оны “Хөдөлмөрийн аварга”-уудаа тодруулж өргөмжлөл, мөнгөн шагналаар шагнасан бөгөөд “Дарханы дулааны цахилгаан станц” ТӨХК-ийн Хангамж үйлчилгээний хэлтсийн автын механик Б.Ганзориг Дархан хотын эдийн засаг, нийгмийн хөгжилд идэвхи санаачилга, хичээл зүтгэл, ур чадвараараа манлайлан 2017 оны Дэд бүтцийн салбарын “ХӨДӨЛМӨРИЙН АВАРГА”-аар шалгарлаа.
“НИЙГМИЙН ХАРИУЦЛАГЫГ ХЭРЭГЖҮҮЛЭГЧ ХАМТ ОЛОН”-оор шалгарлаа
Билгийн тооллын XYII жарны “Алтан унжлагат” хэмээх гал тахиа жилд ажил үйлс, хөдөлмөр бүтээл, нийгмийн салбарт гаргасан санал санаачилга, амжилтаараа манлайлан “ДДЦС” ТӨХК нь “Нийгмийн хариуцлагыг хэрэгжүүлэгч хамт олон”-оор шалгарлаа.
Нээлттэй ажлын байрны зар
“Дарханы Дулааны Цахилгаан Станц” ТӨХК нь дараахь ажлын байранд нээлттэй сонгон шалгаруулалт зарлаж байна.
Үүнд:
1.Төслийн хэсэгт цахилгааны инженер, дулааны инженер
Тавигдах шаардлага:
- Цахилгааны инженер болон дулааны инженер мэргэжил эзэмшсэн байх /магистр бол давуу тал болно./
- Гадаад хэлний аль нэгээр бичгийн болон ярианы чадвартай байх
- Эзэмшсэн мэргэжлээрээ 3-аас дээш жил ажилласан туршлагатай байх /Эрчим хүчний салбарт ажиллаж байсан бол сайн./
- Мэргэжлээрээ болон бусад тулгамдсан асуудалд дүгнэлт хийж, учир шалтгааныг тодорхойлох чадвартай байх
- Хэрэглээний программуудыг ашиглах чадвартай байх. Үүнд: Microsoft Outlook, Word, Excel, Power point, Visio, Аutocad
- Төслийн менежментийн ур чадвартай бол сайн
- 40-өөс доош настай байх
2.Химийн инженер
Тавигдах шаардлага:
- Химийн инженер, технологич мэргэжил эзэмшсэн байх /Эрчим хүчний чиглэлийн инженер технологич, магистр бол давуу тал болно./
- Аналитик хими болон ус судлалаар мэргэшсэн байх
- Англи, орос хэлний аль нэгээр бичгийн болон ярианы чадвартай байх
- Эзэмшсэн мэргэжлээрээ 3-аас дээш жил ажилласан туршлагатай байх
- Word, Excel, Powerpoint программуудыг ашиглах чадвартай байх
- 35-аас доош настай байх
3. Эрүүл ахуйч бага эмч
Тавигдах шаардлага:
- Эрүүл ахуйч бага эмч мэргэжилтэй
- Эмчлэх сувилах эрхийн зөвшөөрөлтэй байх
- Мэргэжлийн сургууль төгссөн дипломтой байх
- Мэргэжлээрээ 5-аас дээш жил ажилласан туршлагатай байх
- Word, Excel, Powerpoint программуудыг ашиглах чадвартай байх
- Яаралтай тусламжийн чиглэлээр сургалтанд хамрагдсан байх
- 35-аас доош настай байх
- Мэргэжил дээшлүүлэх курсуудад хамрагдсан байх
- Сэргээн засах болон физик эмчилгээний курс эзэмшсэн байвал давуу тал болно.
Ахмадуудаа хүлээн авлаа.
“ДДЦС” ТӨХК нь жил бүрийн сар шинийн баярын өмнө ахмад настнуудаа хүлээн авдаг уламжлал ёсоор 2018 оны 02 сарын 01-ний энэ өдөр 198 ахмадуудаа хүлээн авч, хүндэтгэл үзүүллээ.
