Tag : мэдээ

Монгол Улсын  Засгийн Газрын үйл ажиллагааг олон  нийтэд сурталчлах “Нээлттэй хаалганы өдөрлөг” Улаанбаатар хотын Сүхбаатарын талбайд зохион байгуулах хуваарийн дагуу  2017 оны 06 дугаар сарын 12-ноос 13-ний өдрүүдэд  зохион байгуулагдана.

 

[embed]https://www.youtube.com/watch?v=uoEvVf3G3U0[/embed]

 2017 оны 05 сарын 31-ний өдөр “ДДЦС” ТӨХК -ийн хамт олныхоо авьяаслаг, өхөөрдөм бяцхан үрсийн инээд хөөр дүүрэн, аз жаргалтай баярыг тэмдэглэж өнгөрүүллээ.
Бидний Монголын Ирээдүй болсон бяцхан үрсийн маань хүсэл бүхэн нь биелж өдөр бүхэн инээж хөөрч, элэг бүтэн, эрүүл энх, аз жаргалаар бялхаж байх болтугай.

Дархан-Уул аймагт 2016 онд 294 хорт хавдрын шинэ тохиолдол оношлогдсоны 36,7 хувийг элэгний хавдар дангаараа эзэлж байна. Шинээр бүртгэгдсэн хорт хавдрын 155 нь буюу 52 хувь нь 40-65 насныхан байгаа бөгөөд үүний 63 нь буюу 58 хувь нь элэгний хорт хавдартай, 2016 онд элэгний хорт хавдраар 83 хүн нас баржээ. Иймд “Элэгний В вирусийн халдвараас сэргийлье” эрүүл мэндийн өдөрлөг “ДДЦС” ТӨХК-д өнөөдөр /2017.05.26/ болж Элэгний В вирусийн халдвараас сэргийлэх мэдлэг дадлагыг олгох дархлаажуулалтыг хийлээ. Хепатитын В вирусийн халдвараас сэргийлэх, түүнээс үүдэлтэй элэгний хатуурал, элэгний хорт хавдраас сэргийлэх зорилготой “Элэгний В вирусийн халдвараас сэргийлье” эрүүл мэндийн өдөрлөгийг явууллаа. “Дархан Дулааны Цахилгаан станц” ТӨХК –д өнөөдрийн байдлаар 400 гаруй ажилтан албан хаагч ажилладаг бөгөөд В вирусгүй 397 ажилтан албан хаагчдад вакциныг хийлээ. Энэхүү вакциныг 3-н үе шаттайгаар явуулдаг бөгөөд эхнийх нь өнөөдөр хийгдэж байгаа бол 1 сарын сарын дахин нэг туныг түүний дараагаар 5-н сарын дараа сүүлийн тун вакциныг хийлгэх ажээ. Хепатитын В вирусийн халдвараас сэргийлэх сайн дурын дархлаажуулалтын 3-н тунгаар дархлаажуулж В вирусийн халдвараас сэргийлэх мэдлэг хандлагатай болж байгаагаараа энэхүү өдөрлөгийн ач холбогдол оршиж байна.

Монгол Улсад эрчим хүчний салбар үүсч хөгжсөний 95 жилийн ой угтсан спортын их наадам 2017 оны 5 сарын 7-ноос 10-ны өдрүүдэд “Буянт-Ухаа” цогцолборт болж салбарын 41 байгууллагын 1000 гаруй тамирчид гар бөмбөг, сагсан бөмбөг, шатар, ширээний теннис, биллъярд зэрэг таван төрөлд өрсөлдлөө. Уг наадамд “ДДЦС” ТӨХК-ийн баг тамирчид амжилттай оролцож ширээний теннисний эрэгтэй ганцаарчилсан төрөлд Түлш дамжуулах цехийн ээлжийн дарга Б.Ганбаатар алтан медаль, холимог хосын төрөлд Түлш дамжуулах цехийн машинч Х.Цэнд, ээлжийн дарга Б.Ганбаатар нар 1-р байр эзэлж алтан медаль хүртлээ. Мөн шатрын төрлөөр багаараа 7-р байрт, ганцаарчилсан төрлөөр эрэгтэй, эмэгтэй тус тус 9-р байрт, cагсан бөмбөгийн эрэгтэй, эмэгтэй багууд шилдэг 8-д шалгарч багийн нийт дүнгээр 5-р байр эзэллээ. Тэмцээнд оролцсон бүх тамирчиддаа халуун баяр хүргэе.

Монгол Улсад Эрчим хүчний салбар үүсч хөгжсөний түүхт 95 жилийн ойг тохиолдуулан салбарын зүрх болсон инженер, мэргэжилтнүүдийн ур чадварыг сорьсон Хойд бүсийн эрчим хүчний салбарын ажилтнуудын дунд ажил мэргэжлийн уралдаан Дархан-Уул аймагт зохион байгуулагдлаа. Уралдаанд нийт 6 баг оролцсон бөгөөд 7 төрөлд өрсөлдсөн юм. Үүнд:

IQ түвшин, салбарын аюулгүй ажиллагааны талаарх хууль дүрмийн мэдлэг болон шуурхай ажиллагаа,засвар угсралт, ашиглалтын чиглэлд ур чадвараа сорьсон. Мөн кранчин, оосорлогч-дохиочин болон гагнуурчдаас ур чадварын шалгалт авчээ. Уралдааны нэгдсэн дүнгээр “Дарханы дулааны цахилгаан станц” ТӨХК тэргүүн байр, “Дархан Сэлэнгийн цахилгаан түгээх сүлжээ” ХК хоёрдугаар байр эзэлсэн байна. Ур чадвар, мэдлэг оюунаараа тэргүүлсэн дээрх хоёр баг дараагийн шатанд өрсөлдөх эрхтэй болов.

Уралдаанд амжилттай оролцож тэргүүн байр эзэлсэн “ДДЦС” ТӨХК-ийн багийнхандаа баяр хүргэхийн ялдамд дараагийн тэмцээндээ өндөр амжилт гаргахыг хүсэн ерөөе.

 

17-р жарны гал тахиа жилийн босгон дээр Монгол улсын төрийн шагнал “Аж үйлдвэрийн гавьяат ажилтан” цолоор “Дархан дулааны цахилгаан станц” ТӨХК-ийн Инженерийн албаны төслийн инженер Гомбожав овогтой Туяахүү, “Хөдөлмөрийн гавьяаны улаан тугийн одон”-гоор ЗУХ-ийн сувиллын сахиул Сагар овогтой Очирсүх, “Алтан гадас” одонгоор Зуухан цехийн механик тасгийн мастер Мижид овогтой Мөнхбаатар, компанийн өндөр настан Дашдэндэв овогтой Энэбиш, Долгор овогтой Банди нар тус тус шагнагдлаа.
Мөн Дархан-Уул аймгийн Аж үйлдвэрийн салбарын “Хөдөлмөрийн аварга”-аар Түлш дамжуулах цехийн ашиглалтын инженер Дашням овогтой Бадамгарав, Дархан сумын “Хөдөлмөрийн аварга”-аар Турбин цехийн засварын инженер Жүгдэр овогтой Хүдэр нар тодорлоо.
Нийт шагнал авсан ажилтан, өндөр настангууддаа “ДДЦС” ТӨХК-ийн хамт олноос гал халуун баяр хүргэж сар шинэдээ сайхан шинэлээрэй хэмээн хүсэн ерөөе.